नवा शिक्षा नीति (छत्तीसगढ़ी में )

💐नवा शिक्षा नीति

नवा शिक्षा नीति ल अपनाबो 

लइका मन के भविष्य गढ़बो l 

इस्कूल म दिनभर खुशी खुशी रहय,

आनी बानी के उनला खेल खेलाबो l

सुग्घर सुग्घर गोठ गोठियाबो,

गोठे गोठ म उखर मीत बन जाबो l

खेल खेल म उमन ला पढ़ाबो,

जिनगी के सही रद्दा देखाबो l

उखर आस पास के सबो जिनिस के

सीखे सिखाये बर उपयोग करबो l

जीव जंतु,फूल पत्ती, गोटी माटी

सबो हवय हमर संगी साथी ये बताबो l

इस्कूल ल साफ सुथरा स्वच्छ रखबो,

बच्चा मन के तन मन ल स्वस्थ बनाबो l

उनला भवरा बांटी, पुतरा पुतरी खेलाके 

लइका मन के खुशहाली बनाये रखबो l 

भयमुक्त,सरल,सहज,वातावरण,

सबे लइका ल उपलब्ध कराबो l

नवा शिक्षा नीति के सुरुज परघाबो l

लइका मन के जिनगी जगमगाबो l

लोकेश्वरी कश्यप

सहायक शिक्षक (L. B.)

शासकीय प्राथमिक शाला सिंगारपुर

विकासखंड मुंगेली

जिला मुंगेली छत्तीसगढ़